संपूर्ण राज्यातील सर्वसामान्य आणि गरिबातील गरीब लोकांच्या शस्त्रक्रिया अगदी मोफत करून नवा आदर्श लोकांसमोर ठेवणारे, हजारो गरीब रुग्णांना महाग वैद्यकीय सेवेचा लाभ मोफत मिळवून देणारे कामगार कल्याणमंत्री हसन मुश्रीफ यांचा देशाचे ज्येष्ठ नेते शरद पवार यांच्या हस्ते गौरव होऊन त्यांच्या कार्याची उचित पावती दिली जावी, अशी भावना लाखो गोरगरीब रुग्णांमध्ये आहे. अब्जावधी रुपयांच्या या शस्त्रक्रिया पंचतारांकित आणि सप्ततारांकित दवाखान्यामध्ये करायला लावून लाखो लोकांना मुश्रीफांनी जीवदान दिले आहे.
कोल्हापूर जिल्ह्यातील 50 हजारांहून अधिक तर कागल तालुक्‍यातील सहा हजारांहून अधिक रुग्णांना याचा लाभ झाला. कुणाला आई, कुणाचे वडील, भाऊ, बहीण, पत्नी, मुलगा, मुलगी यांच्या शस्त्रक्रिया मोफत झाल्यामुळे मदत मिळाली. या कामाबाबत श्री. मुश्रीफांशी बोलताना त्यांनी सांगितले, ""शरद पवारांनी आपल्यावर विधी आणि न्याय खात्याचा कारभार सोपविला आणि त्यातून आपण हे करू शकलो.''
महाराष्ट्र पब्लिक ट्रस्ट ऍक्‍ट 41 अ अन्वये नोंदणी झालेले 347 दवाखाने आहेत. या दवाखान्यांनी 10 टक्के लोकांवर मोफत औषधोपचार आणि शस्त्रक्रिया करावयाची असा कायदा आहे; मात्र तसे होत नव्हते. मुंबई हॉस्पिटल, ब्रीच कॅंडी, लिलावती, हिरानंदानी, जसलोक, भाटिया, पुणे रुबी, जहॉंगीर, मंगेशकर तसेच औरंगाबाद, नागपूर, नाशिक आणि शिर्डी येथील अनेक महागड्या दवाखान्यांचा यामध्ये समावेश आहे.
या दवाखान्यांमध्ये यापूर्वी गरिबांवर उपचार झाले नव्हते. श्री. मुश्रीफांनी कायद्याची कठोर अंमलबजावणीचा धाक दाखवून गोरगरिबांवर मोफत शस्त्रक्रिया
करायला लावल्या. आपल्या आयुष्यातील हे सर्वोत्कृष्ट काम असल्याचे श्री. मुश्रीफ सांगतात. अपंग, विधवा, परित्यक्‍त्या, निराधार लोकांना मिळणारी पेन्शन दुप्पट करण्याचे काम, महिला बचत गटाला केले जाणारे सहाय्य, सार्वजनिक कामाचा डोंगर आणि तरुणाईला काम देण्यासाठी कागलला आणलेली पंचतारांकित एमआयडीसी अशा कामांत सतत अग्रेसर राहून पक्षवाढीसाठी अहोरात्र झटणाऱ्या श्री. मुश्रीफांचा सत्कार व्हावा आणि त्यासाठी त्यांना प्रोत्साहन द्यावे, असे सर्वसामान्यांना वाटते.
No comments:
Post a Comment